نوابشاھ ۾ زلزلو، ھڪ مارجي ويو، 50 زخمي

انڊس نيوز ڊاٽ نيٽ، ڪراچي
نوابشاھ ۾ صبح سوير زلزلي جا جھٽڪا محسوس ڪيا ويا، ڀتون ڪرڻ سان ھڪ شخص فوت، 50 کان مٿي زخمي. زلزلي جي شدت ريڪٽر اسڪيل تي 4.3 ريڪارڊ ڪئي ويئي. صبح 3 لڳي 55 منٽ تي نوابشاھ ۽ ڀرپاسي جي علائقن ۾ زلزلي جا جھٽڪا آيا، ماڻھو خوف مان ٻاھر نڪري آيا، زخمين ۾ ٻار ۽ عورتون به شامل. زلزلي جو مرڪز نوابشاھ کان 27 ڪلوميٽر پري اتر اوڀر جي طرف ھئو. ڊپٽي ڪمشنر عرفان ڪاٺيا جو چوڻ آھي ته اڄ ضلعي ۾ اسڪول بند رھندا.