سجاڳ سماجي اتحاد ايسوسيئشن پاران ٺري ميرواھ جي مختلف ڳوٺن ۾ مفت طبي ڪيمپون لڳايون ويون

ٺري ميرواه ( محمد اقبال سومرو): سجاڳ سماجي اتحاد ايسوسيئشن پاران ٺري ميرواه جي برسات متاثرين جي مختلف ڳوٺن ۾ مفت ميڊيڪل ڪيمپ لڳائي وئي جنهن ۾ مفت ۾ ڊليوريون پڻ ڪيون ويون ڳوٺ محب علي شر ڳوٺ حامد لاشاري ڳوٺ ابل ويسر ڳوٺ سجاول فقير لاشاري۽ ٻين ڳوٺن ۾ ڪيمپون لڳايون مفت ميڊيڪل ڪيمپن ۾ ڊاڪٽر زڪيا ميمڻ سونيا قريشي عورتن جو چڪاس ڪيو ۽ مفت دوائون فراهم ڪيون ان موقئي تي سجڳ سماجي اتحاد ايسوسيئيشن جي صدر مير اقبال خان بجاراڻي صحافين ڳالهائيندي چيو اسان پنهنجي تنظيم جي پليٽ فارم تحت نج انساني همدردي خاطر مفت ڪيمپون هڻي برسات متاثرين جي مدد ڪري رهيا آهيون جيڪو اسان جو فرض آهي هن وڌيڪ چيو اسان مفت ميڊيڪل ڪيمپون مسلسل 2 مهينن تائين تعلقي جي برسات متاثر علائقن ۾ لڳائينداسون عوام کي فائدو مهيا ڪيو ويندو