فيض گنج تعلقي ۾ پوليو جي بچاءُ جي ڦُڙن جي پيارڻ جا انڪاري ڪيس وڌيڪ آهن: ڊي سي او خيرپور

خيرپور: ضلعي ايڊمنسٽريٽر ۽ ڊي سي او محمد عباس بلوچ جمعي ڏينهن درٻار هال ۾ نائين مئي کان يارهين مئي تائين شروع ٿيندڙ پوليو جي بچاءُ جي ڦڙن واري مهم جي حوالي سان هڪ گڏجاڻي جي صدارت ڪئي جنهن ۾ ڊي س او ٻڌايو ته دنيا ۾ پوليو جهڙو موذي مرض جي خاتمي لاءِ مختلف اُپاءُ ورتا ويا آهن جڏهن ته دنيا ۾ پاڪستان، افغانستان، انڊيا ۽ ناجيريا ۾

اڃان تائين پوليو جا ڪيس ظاهر ٿين ٿا جن جي خاتمي لاءِ پڻ ملڪي توڙي بين الاقوامي سطح تي ڪوششون ورتيون پيو وڃن. ڊي سي او گڏجاڻي ۾ ٻڌايو ته پاڪستان ۾ 33 پوليو جا ڪيس ظاهر ٿيا آهن جڏهن ته انهن مان سنڌ م 10 ڪيس شامل آهن. ڊي سي او وڌيڪ ٻڌايو ته خيرپور ضلعي ۾ فيض گنج تعلقي ۾ پوليو جي بچاءُ جي ڦُڙن جي پيارڻ جا انڪاري ڪيس وڌيڪ آهن ان لاءِ مختلف حڪمت عمليون جوڙيون پيون وڃن. ڊي سي او گڏجاڻي ۾ صحت عملي کي علائقي جي ٻارن کي پوليو کان سواءِ ٻين موذي مرضن جي بچاءُ جا ڦُڙا پڻ پيارڻ جي پڻ هدايت ڪئي. گڏجاڻي ۾ فيصلو ڪيو ويو ته 5 مئي پوليو جي سلسلي ۾ سچل آڊيٽوريم ۾ هڪ سيمينار منعقد ڪرايو ويندو جڏهن ته 7 مئي تي ٺري ميرواه ۾ پوليو جي حوالي سان هڪ تقريب پڻ منعقد ڪئي ويندي. گڏجاڻي ۾ ڊي سي وڌيڪ چيوته يونين ڪائونسل سطح تي يوسي سيڪريٽري ۽ لاڳاپيل صحت جي بنيادي مرڪز جي انچارج ڊاڪٽر فوڪل پرسن آهن جن کي پنهنجن لاڳاپيل علائقن ۾ ٻارن کي پوليو جي بچاءُ جي ڦڙن پيارڻ لاءِ وڌ ۾ وڌ ڪوششون وٺڻ جي هدايت ڪئي. گڏجاڻي جي آخر ۾ ڊي سي او خيرپور محمد عباس بلوچ لاڳاپيل تعلقن جي ڊي ڊي اوز، تعلقي مختيارن، صحت کاتي جي ڊاڪٽرن ۽ يونين ڪائونسل جي سيڪريٽرين ۽ ٻين عملدارن کي ضلعي اندرا پنهنجن پنهنجن لاڳاپيل علائقن ۾ پوليو مهم کي ڪامياب بڻائڻ لاءِ هدايتون جاري ڪيون. گڏجاڻي ۾ اِي ڊي اوصحت ڊاڪٽر سيد لياقت علي شاهه، اي ڊي او روينيو راجا شاهزمان کهڙو، اي ڊي او ايجوڪيشن غلام اصغر ميمڻ، صحت کاتي جي ڊاڪٽرن، روينيو ۽ لوڪل گورنمينٽ جي عملدارن شرڪت ڪئي.
.