فريدآباد پل ۾ 5 فوٽ کڏو پئجي ويو، انتظاميه ستل
جڙيل چانڊيو، فريدآباد
فريدآباد پل تان ڪاڇي جي جابلو علائقي مان سوين ٽن ريتي بجري کڻي پل تان گذرندڙ ٽرڪن ۽ تيل گئس ڪمپني جي ھيوي ٽريفڪ گذرڻ سبب پل ۾ 5 
فوٽ کڏو پئجي ويو پل ۾ کڏو پئجي وڃڻ باوجود ٽرئفڪ جي اچ وڃ جاري جاني نقصان جو خدشو
خبر موجب ڪاڇي جي سوين ڳوٺن کي شھرن سان ملائيندڙ پل تان ٽرئفڪ جي آمدرفت جاري ھئڻ ڪري پل ۾ پيل کڏو وڌندو پيو وڃي جنهن ڪري حادثو پيش اچڻ جي صورت ۾ وڏو جاني نقصان ٿيڻ جو انديشو آهي ان کان اڳ به پل ۾ ھيوي ٽريفڪ جي اچ وڃ سبب 4 ڀيرا کڏا پئجي چڪا آهن جن جي نالي ماتر مرمت ڪري لکين روپيا خرچ ڪيا ويا. پل ۾ کڏو پئجي وڃڻ جو اطلاع روڊس کاتي جي اختيارين ۽ انتظاميه کي ڏيڻ باوجود ڪوبه تحرڪ نه ورتو ويو آهي ٻي طرف فريدآباد جي سياسي سماجي تنظيمن جي اڳواڻن ۽ شھرين عبدالنبي چانڊيو، ايڊووڪيٽ مختيار کوسو، ساجد سنڌي، وحيد چانڊيو ۽ ٻين لاڳاپيل اعلي اختيارين کان گهر ڪئي ته پل جي زبون حالي ۽ کڏا پئجي وڃڻ جو نوٽيس وٺي پل کي وڌيڪ نقصان ٿيڻ کان بچائڻ لاءِ پل تان ھيوي ٽريفڪ جي اچ وڃ بند ڪئي وڃي.