ڪوٽڙي: معصوم نينگري پراسرار طور گم

عمران چانڊيو،ڪوٽڙي

ڪوٽڙي مان معصوم نينگري پراسرار طور گم ٿي وئي، وارث پريشان. ڪوٽڙي سائيٽ جي خدا جي بستي واري علائقي مان 10 ورهين جي نينگري عليشا آرائين پر اسرار نموني گم ٿي وئي آهي، وارثن پاران ٿاڻي تي اين سي داخل ڪرائي وئي ، ان سلسلي ۾ نينگري جي وارثن جو چوڻ آهي ته نينگري صبح جو پاڙي جي دڪان تي شئي وٺڻ وئي ۽ واپس نه موٽي، ڳولا باوجود سندس پتو نه پئجي سگهيو آهي، هنن جو چوڻ هيو ته شديد پريشان آهيون، نياڻي جي ڳولا ۾ مدد ڪئي وڃي.