ڪوٽڙي
ڪوٽڙي: ڳوٺ مراد علي سمون ۾ پاڻي جي کوٽ، ڳوٺاڻن جو احتجاج
انڊس نيوز، ڪوٽڙي
علائقي واسين دانهيندي چيو ته اسانجي ڳوٺ جو پاڻي ڪجھ مھينن کان ميونسپل انتظاميه ۽ پبلڪ هيلٿ جي ڪرپٽ عملدارن ٽينڪر مافيه سان ملي بند ڪري ڇڏيو جنهن ڪري پاڻي جو سخت بحران پيدا ٿي ويو آهي ، ٻئي پاسي مليل ڄاڻ موجب پوپٽ خاصخيلي واٽر ٽينڪ گزريل 20 سالن غير فعال هئڻ سبب ڪوٽڙي سائيٽ جي علائقن پوپٽ ڳوٺ ، مسڪين چانڊيو ڳوٺ ، عيسى دل ، ٻٻر اسٽاپ ، چوهاڻ چونڪ ، بلوچ ڪالوني ، ابڙا چونڪ ۽ جهتيال فارم سميت 20 کان وڌيڪ علائقن ۽ پاڙن ۾ پاڻي جي شديد کوٽ برقرار آهي .