ٺٽو: ضلعي جي داخلي ۽ خارجي رستن تي پوليس جي ناڪابندي

ايم ايڇ ڪنڀار،ٺٽو
ايس ايس پي ٺٽو ڊاڪٽر محمد عمران خان جي ھدايت تي سڄي ضلعي ۾ پوليس پاران جنرل ھولڊاپ ناڪابندي جاري آھي، ان سلسلي ۾ ايس ايس پي ٺٽو ڊاڪٽر محمد عمران خان چيو آھي ته امن امان کي برقرار رکڻ لاءِ ضلعي جي داخلي ۽ خارجي رستن تي ناڪابندي پوائنٽس لڳائڻ سميت جنرل ھولڊاپ ناڪابندي جي دوران مشڪوڪ گاڏين ۽ موٽر سائيڪلن جي ڪاغذن جي جانچ ڪئي پئي وڃي. ھن چيو تہ امن امان جي فضا قائم ڪرڻ ۽ ضلعي ۾ قانون جي بالادستي کي برقرار رکڻ جي لاءِ پوليس کي سخت ھدايتون جاري ڪيون ويون آهن، جيئن ڏوھن ۽ ڏوھارين سميت سماجي برائين جو خاتمو اچي سگھي. ھن چيو تہ جنرل ھولڊاپ ناڪابندي جو مقصد عوام جي جان ۽ مال جي حفاظت کي يقيني بڻائڻو آهي. ھن ضلعي جي پوليس کي ھدايت ڪئي تہ ھو ڏوھارين توڙي سماجي برائين خلاف ڀرپور قانوني ڪاروايون ڪري عوام کي تحفظ مھيا ڪن.