شاه عبداللطيف يونيورسٽي جي فٽبال ٽيم انٽريونيورسٽي فٽبال چيمپئين شپ کٽي ورتي

انڊس نيوز ڊاٽ نيٽ، خيرپور

شاه عبداللطيف يونيورسٽي خيرپور جي ترجمان  پنهنجي پريس رليز ۾ ٻڌايو آهي ته يونيورسٽي جي فٽبال ٽيم انٽريونيورسٽي فٽبال چيمپئين شپ جي فائنل ۾ مهراڻ يونيورسٽي آف انجينئرنگ ۽ ٽيڪنالاجي ڄامشورو کي ٻڙي جي مقابلي تي ٽن گولن تان شڪست ڏئي پهريون ڀيرو چيمپيئن شپ ۾ ڪاميابي حاصل ڪئي. واضح رهي ته چيمپيئن شپ لياقت يونيورسٽي آف هيلٿ سائنسز ڄامشورو ۾ منعقد ٿي. هن تاريخي ڪاميابي حاصل ڪرڻ تي وائيس چانسلر پروفيسر ڊاڪٽر پروين شاه يونيورسٽي جي ڊائريڪٽر فزيڪل ايجوڪيشن محمد مراد پيرزاه ۽ فٽبال ٽيم جي رانديگرن کي مبارڪباد ڏني.