پيمرا غيرقانوني ٽي وي چينلز تي ڀارتي مواد ڏيکارڻ خلاف ڪارروائي ڪندي: ابصار عالم

اسلام آباد: پاڪستان اليڪٽرانڪ ميڊيا ريگيوليٽري اٿارٽي (پيمرا) جي چيئرمين ابصار عالم چيو آهي ته پيمرا غيرقانوني ڀارتي سيٽلائيٽ ڊشن ۽ سيٽلائيٽ ٽي وي چينلز تي غيرقانوني ڀارتي مواد ڏيکارڻ جي خلاف ڪارروائي جو فيصلو ڪيو آهي. پيمرا هيڊڪوارٽرز ۾ پريس ڪانفرنس کي خطاب ڪندي هن چيو ته پيمرا جي لائيسنس هولڊرز کي ٽي وي پروگرامن ۾ 10 سيڪڙو غيرملڪي مواد ڏيکارڻ جي اجازت آهي ۽ ان ڳالهه کي يقيني بڻايو ويندو ته چينلز مستقبل ۾ ڀارتي پروگرامن جي مواد کي في ڪلاڪ 6 منٽ تائين محدود رکن. هن ڪيبل آپريٽرز ۽ ٽي وي چينلز جي انتظاميا کي چيو ته مشرف دور ۾ اختيار ڪيل رولز تي رضاڪاراڻي طور تي عمل ڪن، ٻي صورت ۾ 15 آڪٽوبر کان سندن خلاف ڪارروائي ڪئي ويندي.