مورو: دادو مورو پل تي نوجوان سنڌو درياءَ ۾ ٽپو ڏئي پنهنجي زندگي جو انت آڻي ڇڏيو

انڊس نيوز ڊاٽ نيٽ،مورو.
مورو ڀرسان دادو مورو پل تي نوجوان سنڌو درياءَ ۾ ٽپو ڏئي پنهنجي زندگي جو انت آڻي ڇڏيو جڏهن ته اکين ڏٺن شاهدن جو چوڻ آهي ته نوجوان خودڪشي کان اڳ ۾ پنهنجي قميص جيڪا آسماني رنگ جي هئي اها لاهي اڇلي جنهن ۾ لکت وارو پنو به ڏسڻ ۾ آيو جڏهن نوجوان درياءَ ۾ ٽپو ڏنو ته اهو پنو به هوا ۾ اڏري درياءَ ڏانهن هليو ويو جنهن جي خبر نه پئجي سگهي آهي ته خودڪشي ڪندڙ نوجوان ڪير ۽ ڪٿان جو هيو ۽ ڪهڙي ڪارڻ جي ڪري اهڙو عمل ڪيائين جنهن جو اطلاع حد پوليس کي پڻ مليو جيڪا نوجوان جي مليل قميص ته کڻي وئي پر وڌيڪ ڪو به تحرڪ نه ورتو جيئن درياءَ ۾ ٽپو ڏيندڙ نوجوان جو لاش ڪڍرائي سگهي پوليس جي ايڏي بي حسي تي مقامي ماڻهو افسوس جو اظهار ڪري رهيا آهن.