خيرپور: پوليس رضا لاشاري جي اغوا ڪيس ۾ هڪ جوابدار کي گرفتار ڪري ورتو

النور نيوز ايجنسي، خيرپور
خيرپور پوليس رضا لاشاري جي اغوا ڪيس ۾ هڪ جوابدار کي گرفتار ڪري ورتو، عدالت ۾ پيش، ستن ڏينهن جي رمانڊ تي پوليس حوالي. تفصيل مطابق اي سيڪشن ٿاڻي جي انويسٽيگيشن پوليس گناهه نمبر 250 سال 2013 ڳوٺاڻي رضا لاشاري جي اغوا ڪيس ۾ جوابدار ڄاڻائيل وحيد علي ولد عبدالڪريم شاهاڻي کي گرفتار ڪري سيڪنڊ سول جج مس ثمينه منگي جي عدالت ۾ پيش ڪرائي هڪ هفتي جو جسماني رمانڊ حاصل ڪري جاچ جو دائرو وسيع ڪري ڇڏيو آهي.