انڊس نيوز ڊاٽ نيٽ، باڊھ نور احمد بروهي ۽ سڪندر علي بروهيباڊهه: اين اي 205 ۽ پي ايس 41 جي آزاد اميدوار ڀائرن نور احمد بروهي ۽ سڪندر علي بروهي پنهنجي حمايت حاصل ڪرڻ لاءِ سرگرميون تيز ڪري ڇڏيو آهن، ڪالهه ڳوٺ درگاهه شريف، ڀٽي ڳوٺ، ڳوٺ علي مراد چانڊيو، ڳوٺ خير محمد جهتيال، وڏي وهڻي ۽ ٻين ڳوٺن جا طوفاني دورا ڪري مختلف هنڌن تي ڪارنر گڏجاڻين کي خطاب ڪندي اميدوار ڀائرن نور احمد بروهي ۽ سڪندر علي بروهي چيو ته عوام کرن ۽ کوٽن کي پرکي چڪو آهي، هنن چيو ته اڳوڻن چونڊيل نمائندن عوام ۽ تڪ واسين سان ويساهه گهاتيون ڪيون، هنن 5 سال اسيمبلين ۾ ويهي عوام جا اهنج گهٽائڻ بدران وڌائي ڇڏيا آهن، هنن چيو ته اسان عوام جي طاقت تي يقين رکون ٿا، 11 مئي تي تڪ جو عوام اسان کي ووٽ ڏئي ڪامياب ڪندو، چونڊجڻ کانپوءِ تڪ واسين جا مسئلا بنا فرق جي حل ڪرائينداسين. ڪارنر گڏجاڻين دوران مختلف برادرين جي ماڻهن پاران بروهي ڀائرن جي حمايت جو اعلان پڻ ڪيو. ان موقعي تي زيب علي ساريو، احمد علي جوڻيجو، ڪامريڊ رياض پنهور ۽ ٻين پڻ خطاب ڪيو.
