اين اي 217 پي ايس 33 ، پي ايس 34 جي 8 مختلف پولنگ اسٽيشنن تي پي پي ۽ فنڪشنل ليگ اميدوار جي حامين وچ ۾ جهيڙو 6 ڄڻا
انڊس نيوز ڊاٽ نيٽ، هنڱورجا
تفصيل موجب هنڱورجا جي اين اي 217 ، پي ايس 34 ۽ پي ايس 33 جي 8 پولنگ اسٽيشنن تي ڌرين وچ ۾ جهيڙا ٿيا هن ڏس ۾ پي ايس 33 پولنگ اسٽيشن سيٺارجا بالا ۽ نهال خان سولنگي ۾ پي پي ۽ فنڪشنل مسلم ليگ جي حامين وچ ۾ جهيڙو ٿي پيو جنهن جي نتيجي ۾ محمد رضا سولنگي سميت 3 ڄڻا زخمي ٿي پيا جڏهن ته اين اي 217 ۽ پي ايس 33 جي پولنگ اسٽيشن گاد ، هاءِ اسڪول هنڱورجا ، ميرڪ، ڀونڀٽپور ۽ نواڙو ۾ پي پي ۽ فنڪشنل مسلم ليگ جي حامين وچ ۾ جهيڙو ٿي پيو جنهن جي نتيجي ۾ غلام سرور ، رياض حسين سهتو، رفيق احمد سميت پنج ڄڻا زخمي ٿي پيا. جنهن ڪري ڄاڻايل پولنگ اسٽيشنن تي پولنگ وارو عمل ڪجهه دير لاءِ بند ٿي ويو جيڪو بعد ۾ پوليس انتظاميه ۽ سياسي پارٽين جي اڳواڻن جي پهچڻ تي ٻيهر پولنگ وارو عمل شروع ٿي ويو. هوڏانهن پولنگ اسٽيشنن تي ووٽن جو عمل سست هجڻ رفتاري سان هلڻ ڪري صبح کان شام تائين ووٽرن جو قطارون لڳل هيون ووٽرن جي لاءِ ڪو خاص بندوبست نه هجڻ ڪري عورت توڙي مرد ووٽر شديد گرمي ۽ نٽهڻ اس ۾ ووٽ ڏيڻ لاءِ پنهنجي پنهنجي واري جو انتظار ڪندا رهيا.