مولانا محسن شاھ نقوي جي چونڊ مھم تيز

انڊس نيوز ڊاٽ نيٽ، هنڱورجا

پي ايس 34 جي آزاد اميدوار مولانا محسن علي شاهه نقوي دعوا ڪئي آهي ته 11 مئي تي تعلقي صوڀوديرو ۽ گمبٽ جو عوام روايتي سياسي پارٽين جي اميدوارن کي هر گز ووٽ نه ڏيندو عوام سجاڳ ٿي چڪو آهي ۽ هن ڀيري عوام نيڪ ۽ ديندار اميدوار کي ووٽ ڏئي ڪامياب ڪندو. هنڱورجا جي سولنگي محلا، هاشماڻي محلا، سومرا، گلال محلا ۾ ڪارنر گڏجاڻين کي خطاب ڪندي محسن نقوي چيو ته انهن سڀني ڪوڙن افواهن کي رد ڪريون ٿا جيڪي منهنجي هٿ کڻڻ بابت هلايون پيون وڃن. هن ڀيري مخالفن جو مڙسي سان مقابلو ڪرڻ جو عزم ڪري چونڊن جي ميدان ۾ لٿل آهيان . عوام ڪوڙن ڏٽن ۽ دلاسن ڏيڻ بدران سچي ۽ ايماندار اميدوار کي ووٽ ڪن.