قائم علي شاهه خلاف داخل اعتراضن واري درخواست تي 12 اپريل تي عدالت ۾ ٻڌڻي

انڊس نيوز ڊاٽ نيٽ، بيورو رپورٽ، سکر
اڳوڻي وڏي وزير سيد قائم علي شاهه خلاف داخل اعتراضن واري درخواست تي اليڪشن ٽربيونل اليڪشن ڪمشنر ۽ ڌرڄاڻايلن سميت 12 اپريل تي عدالت ۾ پيش ٿيڻ لاءِ نوٽيس جاري ڪري ڇڏيا ڊسٽرڪٽ بار خيرپور جي صدر منظور انصاري اليڪشن ٽربيونل ۾ درخواست داخل ڪندي موقف اختيار ڪيو ته سنڌ جي اڳوڻي وڏي وزير سيد قائم علي شاهه پنهنجي دور ۾ ترقياتي ڪمن جي مد ۾ جاري ٿيل فنڊن ۾ گهپلا ڪرڻ سان گڏ اختيارن جو ناجائز استعمال ڪيو ۽ ڪيترن ئي آفيسرن کي ڪيڊر تبديل ڪري آئوٽ آف ٽرن ترقيون ڏنيون ويون پي ايس 29 جو اميدوار اڳوڻو وڏو وزير آئين جي آرٽيڪل 63۽62 جي روح مطابق اهل ناهي سندس فارم رد ڪيو وڃي