صحت ۽ زندگي
شھدادڪوٽ: ڳوٺ مهربان پٺاڻ ۾ ٻن ڏينهن واري مفت اکين جي ڪئمپ لڳائي وئي
انڊس نيوز ڊاٽ نيٽ ،شهدادڪوٽ
شهدادڪوٽ ۾ ايڇ آر ڊي ايس ۽ سائيٽ سيورز اسلام آباد پاران ڳوٺ مهربان پٺاڻ ۾ ٻن ڏينهن واري مفت اکين جي ڪئمپ لڳائي وئي،اکين جي ماهر ڊاڪٽر عبدالستار وڌو ڪئمپ دؤران مختلف ڳوٺن جي ماڻهن جي اکين جي چڪاس ڪئي ۽ مريضن کي مفت علاج پڻ ڏنو، ان موقعي تي جاويد شيخ ،اسلم بوزدار، غلام خديجه،حافظ حق نواز،ماسٽر محمد پناهه پٺاڻ،احمد علي پٺاڻ ۽ ٻين چيو ته شهدادڪوٽ ۾ جتي ڪامڻ ۽ ٻين بيمارين جي عام هئڻ سان گڏ اکين جي بيماري عام آهي پٺ تي پيل علائقي جي ماڻهن کي اکين جي بيمارين کان بچائڻ لاءِ ڪئمپ قائم ڪئي وئي آهي.