اليڪشن 2013باڊھ

پ پ جا موجوده اڳواڻ ڀٽو جي نظريي تان هٽي ويا آھن، ڊاڪٽر صفدر عباسي

عبدالمجيد جھتيال، باڊهه

پ پ جا موجوده اڳواڻ ڀٽو جي نظريي تان هٽي ويا آھن،  ڊاڪٽر صفدر عباسي
پ پ جا موجوده اڳواڻ ڀٽو جي نظريي تان هٽي ويا آھن، ڊاڪٽر صفدر عباسي
ذوالفقار علي ڀٽي جي شهادت کان پوءِ بينظير ڀٽو پارٽي کي زندهه رکيو شهيد راڻي جي وڇوڙي بعد پ پ جا موجوده اڳواڻ ڀٽو جي نظريي تان هٽي ويا آهن، اهڙن خيالن جو اظهار اين اي 205 جي آزاد اميدوار اڳوڻي سينيٽر ڊاڪٽر صفدر عباسي باڊهه ۾ رٽائرڊ ڊي جي هيلٿ سنڌ ڊاڪٽر غلام سرور چنه پاران سندس مان ۾ ڏنل آجياڻي کي خطاب ڪندي ڪيو، هن چيو ته عوام اڳوڻن چونڊيل نمائندن کي پنج سال موقعو ڏنو ته هو ايوانن ۾ وڃي سندن مسئلن جي حل لاءِ ڪردار ادا ڪندا پر هنن اقتدار جا پنج سال عوام جي خدمت ڪرڻ بجاءِ ڪميشنون حاصل ڪرڻ توڙي پنهنجا پيٽ ڀرڻ ۾ پورا ڪيا، هن چيو ته اڳوڻن چونڊيل نمائندن کي عوام ڌڪاري ڇڏيو آهي ڪير به کين آجياڻو ڏيڻ لاءِ تيار ناهي، هن چيو ته محترمه بينظير ڀٽو جي وقت ۾ عوامي نمائيندا پ پ جي ٽڪيٽ حاصل ڪرڻ جي لاءِ پريشان هوندا هئا پر هاڻي پ پ جي ٽڪيٽ کي ڪا به اهميت نه ڏئي رهيا آهن، هن چيو ته آءُ شهيد ذوالفقار علي ڀٽو ۽ شهيد بينظير ڀٽو جو پيغام کڻي ساڳئي عوام وٽ آيو آهيان اوهان محترمه بينظير ڀٽو جي سچن پيروڪارن کي ووٽ ڏئي ڪامياب ڪيو هن چيو ته چونڊن ۾ ڪامياب ٿيڻ کان پوءِ عوام جا ڏک سور دور ڪرڻ لاءِ ڪردار ادا ڪندس، ڪارنر گڏجاڻي کي رٽائرڊ ڊي جي هيلٿ سنڌ ڊاڪٽر غلام سرور چنه پڻ خطاب ڪيو ۽ پنهنجي برادري ۽ همدردن سميت ڊاڪٽر صفدر عباسي جي حمايت جو اعلان ڪيو.

وڌيڪ ڏيکاريو

Leave a Reply

This site uses Akismet to reduce spam. Learn how your comment data is processed.

Back to top button