هنڱورجا : بدامني ۽ ڦرلٽ خلاف احتجاجي مظاھرو

هنڱورجا ۾ وڌندڙ بدامني ۽ ڦر لٽ جي واقعن جي خلاف شهرين حليم الله ڀٽو مير مرتظي جلباڻي، عزيز الله ڀٽو ۽ ٻين جي اڳواڻي ۾ پريس ڪلب آڏو احتجاجي مظاهرو ڪري ڌرڻو هڻي نعريبازي ڪئي ان موقعي تي مظاهرين الزام لڳايو ته هنڱورجا ۾ بدامني عروج تي پهچي وئي لنڪ روڊ رات جي وقت ڦورن جي حوالي آهن عزيز الله ڀٽو ۽ حليم الله کان ڦر ٿيل ٻه موٽر سائڪلون ۽ موبائل فون ڦر ڪري سندن مٿان وحشياڻو تشدد ڪندڙ جوابدارن کي پوليس اڃا تائين گرفتار ڪرڻ ۾ ناڪام ٿي وئي آهي پوليس رڳو جوابدارن جي گرفتاري جا ڪوڙا دلاسا ڏئي رهي آهي هنن چتاءُ ڏنو ته جوابدار گرفتار نه ٿيا ته قومي شاهراهه تي ڌرڻو هنيو ويندو.