5 سالن ۾ روڊ جو ڪم مڪمل نه ٿي سگھيو

سکر (بيورورپورٽ) سکر جي احمد نگر ۽ شهباز ڪالوني ۾ ٺيڪيدار 5 سالن ۾ 3 مرتبه روڊ تي پٿر اڇلائي غائب ٿي ويو آهي، جنهن سبب علائقي واسي ٺيڪيدار ۽ انتظاميا خلاف احتجاج ڪيو، احتجاج ڪندڙ علائقي واسي محمد مراد گڏاڻي، حضور بخش، غلام رسول ڪوري، مير حسن، فهيم دانهيندي چيو ته ٺيڪيدار پاران 5 سالن ۾ 3 مرتبا روڊ تي پٿر اڇلائڻ کان پوءِ غائب ٿي ويو آهي، جنهن سبب علائقي واسين لاءِ عذاب بڻجي ويو آهي، هنن گهر ڪئي ته روڊ جو ڪم ڪرايو وڃي فوري طور تي يا وري روڊ تان پٿر کڻايا وڃن، ٻي صورت ۾ احتجاج جو دائرو وسيع ڪيو ويندو.