ھنڱورجا: 19۽ 20 فيبروي تي مفت اکين جي طبعي ڪئمپ لڳائي ويندي

هنڱورجا: لڪياري ويلفيئر ٽرسٽ پاران سيد ارشاد احمد شاهه ميموريل اسپتال ۾ 19 ۽ 20 فيبروي تي ٻن ڏينهن واري مفت اکين جي طبعي ڪئمپ لڳائي ويندي. جنهن جو افتتاح درگاهه سخي ناصر شاهه جي گادي نشين ۽ لڪيار ويلفيئر ٽرسٽ جو سربراهه پير سيد ڪاظم علي شاهه لڪيار ڪندو. هن ڏس ۾ لڪياري ويلفيئر ٽرسٽ جي عبدالغني ميمڻ ٻڌايو ته ٻن ڏينهن واري ڪئمپ جي دوران اکين جا ماهر ڊاڪٽر مريضن جو مفت ۾ علاج کان سواءِ آپريشن ڪري دوائون پڻ مفت ۾ فراهم ڪيو وينديون.