رانديون
هڪ دور جي پڄاڻي، ڪرڪيٽ جو بادشاهه سچن ٽنڊو لڪر ون ڊي تان رٽائر ٿي ويو
ممبئي ، ڀارت جي اسٽار بيٽسمين لٽل ماسٽر سچن ٽنڊولڪر ون ڊي ڪرڪيٽ تان رٽائرمينٽ جو اعلان ڪري ڇڏيو آهي. ان سلسلي ۾ اسٽار بئٽمسين ۽ لٽل ماسٽر طور دنيا ۾ سڃاڻپ ڪرائيندڙ سچن ٽنڊولڪر جي رٽائر ٿيڻ جي ڀارتي بورڊ تصديق ڪري ڇڏي آهي. سچن ٽنڊو لڪر جو چوڻ آهي ته ون ڊي ڪرڪيٽ تان رٽائر ٿيڻ جو فيصلو ڪيو آهي، سچن ٽنڊو لڪر وڌيڪ چيو ته ورلڊ ڪپ کٽيندڙ ٽيم جو حصو هئڻ تي پاڻ کي خوشقسمت سمجهان ٿو. هن چيو ته آئون پنهنجن مداحن جو شڪر گذار آهيان، جن ڊگهي عرصي تائين منهنجي حمايت ڪئي ۽ غير مشروط محبت ڪئي. ڀارتي ٽيم جي مستقبل لاءِ نيڪ خواهشون رکان ٿو، 2015 ع جي ورلڊ ڪپ ۾ اعزاز جو دفاع ڪرڻ لاءِ هاڻي کان ئي تياريون ٿيڻ گهرجن.