ڄامشورو ۾ لمس جي ايم ايس خلاف ايس ٽي پي جو مظاهرو، ڌرڻو

مانيٽرنگ ڊيسڪ
ڄامشورو ۾ ايس ٽي پي پاران لمس اسپتال جي مک گيٽ ۽ اي ايم ايس آفيس آڏو ڌرڻو سخت نعريبازي ڪئي وئي، ان موقعي تي ايس ٽي پي ڄامشورو جي اڳواڻ نادر مگسي، ساگر عالماڻي، بادل نوحاڻي ۽ ٻين چيو ته لمس اسپتال جو ايم ايس ڊاڪٽر خالد قريشي ۽ اي ايم ايس ڊاڪٽر مولابخش ٿيٻو لمس اسپتال جي بجيٽ کي هڙپ ڪري رهيا آهن غريب بي سهارا مريضن کي اسپتال ۾ دوا بجاءِ دڙڪا ڏيئي واپس ڪيو وڃي ٿو، جڏهن ته سياسي ۽ سفارشي ماڻهن جو آڌر ڀاءُ ڪري آفيسن ۾ ويهاري علاج سميت دوائون فراهم ڪيون وڃن ٿيون، هنن مطالبو ڪيو ته ڪرپٽ ايم ايس ڊاڪٽر خالد قريشي کي هٽايو وڃي.