نيو ينگ اتحاد ويلفيئر جي عھديدارن جي پي پي اڳواڻ سان ملاقات
سکر(بيورورپورٽ) نيو ينگ اتحاد ويلفيئر جي صدر نديم خان جي اڳواڻيءَ ۾ سکر هائوس ۾ پيپلز پارٽيءَ جي مرڪزي اڳواڻ ۽ سينيٽر اسلام الدين شيخ سان ملاقات ڪئي نديم خان پاران ريجنٽ ڪالوني ۽ ڀر پاسي جي مسئلن ڊرينيج سسٽم، پاڻيءَ جي مسئلي ۽ گهٽن جي مرمت ۽ ٽٽل روڊن طرف توجهه ڪرائي ۽ نيو ينگ اتحاد علائقي جي رهواسي جي مطالبو آهي ته ايمبولينس جلد فراهم ڪئي وڃي جنهن تي سينيٽر اسلام الدين شيخ پاران علائقي جا مسئلا ترجيهي بنيادن تي حل ڪرائڻ ۽ علائقي جو جلد دورو ڪرڻ جو يقين ڏيارو هن چيو ته اسان ڪچي آبادين ۽ علائقن ۾ طرقياتي ڪم کي خاص اهميت ڏئي رهيا آهيون جيترا ترقياتي ڪم پيپلز پارٽيءَ جي دور اقتدار ۾ ٿيا آهن پهريان ڪڏهن به نه ٿيا باءِ پاس برج، نيو پنڊ، اوور هيڊ ڪراسنگ، بندر وال، بينظير پارڪ، سکر جا عظيم منصوبا ۽ ميگا پراجيڪٽ پاڪستان پيپلز پارٽي جي حڪومت ۾ مڪمل ٿيا آهن اسان سڃي ملڪ ۾ ترقياتي ڪم ترجيحي بنيادن تي حل ڪرڻ جو عزم ڪيو آهي.