شهدادڪوٽ ۾ اڻڄاتل هٿياربندن جي فائرنگ ۾ بلوچستان واسي قتل
ضمير کرل، شھداد ڪوٽ
شهدادڪوٽ ۾ اڻڄاتل هٿياربندن جي فائرنگ ۾ بلوچستان واسي قتل جڏهن ته واٽهڙو زخمي ٿي پيو آهي . جوابدار فرار ٿي وڃڻ ۾ ڪامياب ٿي ويا . شهر جي خضدار چوڪ تي اڻ ڄاتل هٿياربندن فائرنگ ڪري بلوچستان جي گنداواه شهر جي رهواسي علي گل بلوچ کي قتل ڪري ڇڏيو جڏهن ته سندن فائرنگ ۾ واٽهڙو مشتاق سيلرو زخمي ٿي پيو . اطلاع تي(اي) سيڪشن ٿاڻي جي پوليس واقعي واري هنڌ پهچي زخمي ۽ لاش کي پوسٽ مارٽم لاءِ کڻائي اسپتال پهچايو . واقعي جو ڪارڻ معلوم ٿي ناهي سگھيو ، ٻڌايو وڃي ٿو ته مقتول چنگچي رڪشاء ڊرائيور هو جيڪو گنداواه مان سواري کڻي شهدادڪوٽ آيو هو . ته ڄاڻايل هنڌ وٽ اڻ ڄاتل موٽرسائيڪل سوار هٿيار بندن فائرنگ ڪئي جنهن جي نتيجي ۾ بلوچستان واسي قتل ٿي ويو ۽ ڳوٺ سيلرا جو رهواسي زخمي ٿي پيو هوڏانهن پوليس چنگچي سوار شبيرلاشاري، ۽ ڇوڪري عائشه لاشاري کي تحويل ۾ وٺي وڌيڪ پڇاڳاڇا ڪري رهي آهي (اي) سيڪشن ٿاڻي تي ڊيوٽي تي موجود پوليس آفيسر رابطي ڪرڻ تي ٻڌايو ته واقعو (بي) سيڪشن ٿاڻي جي حد ۾ ٿيو آهي سندس چوڻ هو ته هُو چنگچي رڪشاء تي ڳوٺان آيل ٻن ڀيڻ ڀائرن کي گرفتار ڪري کانئن پڇا ڳاڇا ڪري رهيا آهن آخري اطلاعن تائين واقعي جو حد جي ٿاڻي تي ڪيس داخل ٿي نه سگھيو هو ۽ نه ئي گرفتاري عمل ۾ اچي سگھي آهي