سکر: نادرا جون ٽيمون مختلف ضلعن جو دورو ڪنديون
سکر(بيورورپورٽ): نادرا ريجنل هيڊڪوارٽر سکر جون گشتي موبائل گاڏيون ضلعي سکر، گهوٽڪي، لاڙڪاڻي، شهدادڪوٽ، شڪارپور ۽ جيڪب آباد جي ٻهراڙي وارن علائقن جي ماڻهن کي ڪمپيوٽرائزد قومي شناختي ڪارڊ جاري ڪرڻ جي سلسلي ۾ 08 آڪٽوبر کان 19 آڪٽوبر 2012 تائين مختلف جڳهن جو دورو ڪري رهيون آهن. تفصيل مطابق ضلعي گهوٽڪي جي تعلقه ميرپور ماٿيلو جون يوسيز، ضلعي گهوٽڪي جي تعلقه خانڳڙهه جون يوسيز، ضلعو لاڙڪاڻو جي نئون ديرو ٽائون، تعلقه رتوديرو، ضلعو قمبر ايٽ شهدادڪوٽ جي تعلقه ميروخان جي يوسيز، ضلعي لاڙڪاڻي جي تعلقه باقراڻي جي يوسيز، قمبر ايٽ شهدادڪوٽ تعلقه يوسي ڪلر، ضلعو قمبر تعلقه شهدادڪوٽ يوسي جمالي، ضلعو شڪارپور جي تعلقه خانپور جون يوسيز، ضلعو جيڪب آباد تعلقه جون يوسيز، ضلعو سکر تعلقه روهڙي جي 30 يوسي سنگرار، ضلعو سکر تعلقه روهڙي جي يوسيز ۾ نادرا جون موبائل ڳاڏيون ڄاڻايل ضلعن جي يوسيز ۾ ماڻهن کي قومي شناختي ڪارڊ ٺاهي ڏيڻ جي سهولت فراهم ڪنديون. ماڻهن کي گهرجي ته هو نادرا جي ٽيمن سان قومي شناختي ڪارڊ حاصل ڪرڻ لاءِ لهه وچڙ ۾ اچن.