بلوچستان کان اسمنگلنگ ڪري آندا ويندڙ لکين رپين ماليت جا باز بر آمد

سکر(بيورورپورٽ)وائيلڊلائيف کاتي سکر جي عملي ڪوٽڏيجي ويجهو ڪاروائي ڪندي بلوچستان کان اسمنگلنگ ڪري آندا ويندڙ لکين رپين ماليت جا باز بر آمد ڪري هڪ جوابدار کي گرفتار ڪري ورتو باز کي بعد ۾ فضا ۾ ڇڏيو ويو وائيلڊلائيف کاتي جي سکر جي عملي هڪ اطلاع ملڻ تي خيرپور ضلعي جي علائقي ڪوٽ ڏيجيءَ ويجهو چونڊڪو روڊ تي ڪاروائي ڪندي هڪ جوابدار ابراهيم سولنگيءَ کي گرفتار ڪري ان جي قبضي مان اعليٰ نسل جو هڪ باز بر آمد ڪري ورتو وائيلڊلائيف کاتي جي عملي مطابق اهو باز بلوچستان کان اسمنگلنگ ڪري هتي آندو ويو هو جوابدار ان کي عربن تي وڪرو ڪرڻ لاءِ آندو هيو باز جي ماليت 7 کان 9 لکن رپين تائين ٻڌائي وڃي ٿي وائيڊلائيف عملي جوابدار تي 15 هزار رپيا جرمانو عائد ڪيو ۽ برآمدڪيل باز کي فضه ۾ ڇڏيو ويو جوابدار شهداد ڪوٽ جو رهائشي ٻڌايو وڃي ٿو.