مختصر خبرون
پي ايس ٽي پاس اميدوارن جو وزير اعليٰ اڳيان احتجاجي مظاهرو
خيرپور(رپورٽ شڪيل احمد جانوري) عوامي تحريڪ طرفان محبت سنڌ ريلي ڪراچي کان اسلام آباد تائين محبت سنڌ ٽرين مارچ ڪندي سيد عالم شاهه. تفصيل موجب خيرپور ۾ عوامي تحريڪ جو اجلاس مرڪزي اڳواڻ سيد عالم شاهه جي صدارت ۾ ٿي گذريو. اجلاس ۾ پهرين سيپٽمبر تي ڪراچي کان اسلام آباد تائين محبت سنڌ ٽرين مارچ ۾ وڌ کان وڌ شرڪت لاءِ ڪوٺايو ويو. اجلاس کي سيد عالم شاهه خطاب ڪندي چيوته ٽرين مارچ جو مقصد ذوالفقار آباد رٿا خلاف سنڌ جي امڪاني ورهاڱي خلاف، سنڌ اندر قبائلي دهشتگردي، بدامني بيروزگاري ۽ ڪاروڪاري خلاف سنڌي عوام جو آواز اقتداري ايوانن تائين پهچائڻ آهي. اجلاس ۾ ضلعي صدر سيد بچل شاهه، هوش محمد جوڳي، اظهر بليدي، ايڊووڪيٽ حاڪم جتوئي، حسين مهر، الطاف راجا پڻ شرڪت ڪئي ۽ اجلاس دوران ضلعي ۾ تنظيمي صورتحال تي پڻ غور ويچار ڪيو ويو.