سيد محمد راشد شاهه راشدي پاران ڪنگري ۾ مختلف ماڻهن سان تعزيتون
پير جو ڳوٺ (رپورٽر) فنڪشنل ليگ سنڌ جي نائب صدر سيد محمد راشد شاهه راشدي پاران ڪنگري ۾ مختلف ماڻهن سان تعزيتون، ڏک جو اظهار، رپورٽ موجب، حرن جي روحان پيشوا ۽ فنڪشل ليگ سربراهه پير پاڳاري جي وڏي صاحبزادي فنڪشنل ليگ سنڌ جي نائب صدر سيد محمد راشد شاهه راشدي ڪنگري تعلقي ۾ مختلف شخصيتن پريالوءِ ۾ 5 ڏينهن اڳ قتل ٿيل علي شير انصاري جي پونئرن شجاع انصاري ۽ ٻين سان تعزيت ڪئي جڏهن ته پيرڳوٺ لڳ ڳوٺ وريل فقير لاڙڪ ۾ بجلي جو ڪرنٽ لڳڻ ڪري فوت ٿيل استاد رياض لاڙڪ جي ڀاءُ ايڊوڪيٽ شمس الدين لاڙڪ، ناظم لاڙڪ، عبدالرشيد لاڙڪ سان پڻ تعزيت ڪئي ۽ ڏک جو اظهار ڪيو جنهن بعد هن ڳوٺ ڪانهر پهچي محمد علي ڪانهر سان سندس پٽ جي وفات تي تعزيت ڪئي ۽ ڏک جو اظهار ڪيو آهي، ان موقعي تي ساڻس گڏ سيد زاهد شاهه راشدي، سيد علي حيدر شاهه، نجيب الله شاهه راشدي، ثناءُ الله شاهه، ڄام انعام مهيسر، اميد علي راجپوت، سليمان مڱريو، اصغر ملاح، شاهد ميراڻي ۽ بيا پڻ گڏ هئا.