خيرپور: شيشم ڪالوني مان نائين ڪلاس جو شاگرد پراسرار نموني گم

خيرپور(رپورٽ شڪيل احمد جانوري) خيرپور جي شيشم ڪالوني مان نائين ڪلاس جو شاگرد پراسرار نموني گم وارثن پاران اغوا جو شڪ. تفصيل موجب خيرپور جي شيِشم ڪالوني جو رهواسي نائين ڪلاس جو شاگرد تنوير ولد بختيار بروهي چئن ڏينهن کان پراسرار نموني غائب آهي سندن وارثن بي سيڪشن ٿاڻي تي اغوا جي اين سي داخل ڪرائي آهي. گم ٿيل نينگر جي پيءُ مختيار بروهي ٻڌايوته منهنجو پٽ چار ڏينهن اڳ دوستن احسان ولد غلام عباس ملاح ۽ زوهيب ولد غلام نبي ملاح سان گهران نڪري ويو هو ته واپس نه آيو آهي. گهڻي ڳولها ڪئي آهي پر هنجو ڪوبه ڏس پتو نه پئجي سگهيو آهي. هن شڪ ظاهر ڪيو آهي ته منهنجي پٽ کي سندس دوستن اغوا ڪرايو آهي.