مختصر خبرون
ڪنگري جي ڪچي ۾ اوڍا برادري جي ٻن ڌرين ۾ جھيڙو
پير جو ڳوٺ (رپورٽر) ڪنگري جي ڪچي ۾ اوڍا برادري جي ٻن ڌرين ۾ جھيڙو، فائرنگ، هڪ ڄڻو مرڻينگ، اسپتال داخل، رپورٽ موجب، ڪنگري جي ڪچي واري علائقي فيض محمد ٻنڊو ٿاڻي جي حد ڳوٺ محمود خان اوڍو ۾ اوڍا برادري جي ٻن ڌرين ۾ ڏيڍ جريب زمين جي مالڪي تان راڻو خان اوڍو ۽ ربين خان اوڍو جي ڌرين ۾ جھيڙو ٿي پيو جنهن ۾ ڌرين هڪٻئي مٿان ڇتي فائرنگ ڪري ڏني گوليون لڳڻ سبب 30 ساله ربين اوڍو مرڻينگ ٿي پيو جنهن کي سکر جي خانگي اسپتال داخل ڪرايو ويو آهي هوڏانهن جھيڙي بعد ڌرين ۾ سخت ڇڪتاڻ واري صورتحال پيدا ٿي وئي آهي ۽ ڌريون مورچابند ٿي ويون آهن. ٻڌايو پيو وڃي ته ربين اوڍو، راڻو اوڍو کان ڏيڍ جريب زمين خريد ڪئي هئي ڪالهه (اڄ) ڄاڻايل زمين تي ربين اوڍو ٽريڪٽر وٺي هر هلرائي رهيو هو ته ٻي ڌر جي ماڻهن مٿن حملو ڪري ڇتي فائرنگ ڪري ڏني جنهن ۾ هو زخمي ٿي پيو.