ڪارنھن جي الزام ۾ مڙس ھٿان عورت زخمي

خيرپور(رپورٽ شڪيل احمد جانوري) ڪوٽڏجي ٿاڻي جي حد ڪوٽڏجي شهر ۾ جوابدار ڪارنهن الزام ۾ پنهنجي نوجوان گهرواري کي گوليون هڻي زخمي ڪري ڇڏيو، گوليون لڳڻ سبب جوابدار جو ڀاڻيجو به زخمي. تفصيل موجب ڪوٽڏجي ٿاڻي جي حد ڪوٽڏجي شهر ۾ جوابدار وسيم ميراڻي باک ڦٽي مهل ڪارنهن جي الزام ۾ پنهنجي زال سائره کي گوليون هڻي زخمي ڪري ڇڏيو. جڏهن ته گولي لڳڻ سبب جوابدار جو ڀاڻيجو ڏهن سالن جو نينگر علي وارث زخمي ٿي پيا جن کي سول اسپتال خيرپور ۾ داخل ڪيو ويو آهي. جڏهن ته جوابدار فرار ٿي ويو. ٻنهي جي حالت نازڪ ٻڌائي وڃي ٿي آخري اطلاعن تائين واقعي جو ڪوٽڏجي پوليس ڪيس داخل نه ڪيو آهي.