ڦلپوٽابرادري جي سردار غلام حيدر ڦلپوٽو مسلم ليگ ف ۾ شموليت جو اعلان
خيرپور(ڊر) فنڪشنل مسلم ليگ سنڌ جي هڪ وڏي سياسي پارٽي آهي ايندڙ حڪومت فنڪشنل مسلم ليگ جي هوندي. سيد راشد شاهه راشدي. مسلم ليگ ف هائوس خيرپور تي پ پ جي مرڪزي اڳواڻ منظور وساڻ جي ڏوهٽي ۽ مشهور سماج سڌارڪ تنوير وساڻ ۽ مسلم ليگ ن خيرپور جي ضلعي نائب صدر ۽ ڦلپوٽابرادري جي سردار غلام حيدر ڦلپوٽو مسلم ليگ ف ۾ شموليت جو اعلان ڪري ڇڏيو. پرهجوم پريس ڪانفرنس. تفصيل موجب مسلم ليگ ف هائوس خيرپور تي مسلم ليگ فنڪشنل سنڌ جي نائب صدر سيد محمد راشد شاهه راشدي جي موجودگي ۾ هڪ پرهجوم پريس ڪانفرنس ۾ پ پ جي مرڪزي اڳواڻ ۽ اڳوڻي صوبائي وزير منظور وساڻ جي ڏوهٽي تنوير وساڻ ۽ مسلم ليگ ن ضلع خيرپور جي نائب صدر سردار غلام حيدر ڦلپوٽو پنهنجين پارٽين تان استعيفى ڏئي سيد راشد شاهه راشدي جي هٿ تي مسلم ليگ فنڪشنل ۾ شموليت جو اعلان ڪري ڇڏيوآهي. ان موقعي تي سيد محمد راشد شاهه راشدي چيوته فنڪشنل ليگ وڏي پارٽي آهي ۽ ايندڙ ڪجهه ڏينهن ۾ خيرپور سميت سنڌ جا وڏا سياسي ماڻهو فنڪشنل ليگ ۾ شموليت جو اعلان ڪندا. ان موقعي تي تنوير وساڻ ڳالهائيندي چيوته اسانجو خاندان هميشه غريب عوام جي خدمت جي حوالي سان مشهور آهي. فنڪشنل ليگ غريب ۽ مسڪين ماڻهن جي ڀرپور نموني خدمت ڪري رهي آهي جنهن ڪري فنڪشنل ليگ ۾ شامل ٿي ان پليٽ فارم تان خدمت جاري رکندس. ڪوٽڏجي قلعي جي حوالي سان مشهور آهي پر هاڻي ڪوٽڏجي جي سڃاڻپ فنڪشنل ليگ جي قلعي طور ٿيندي. ان موقعي تي ن ليگ ڇڏي فنڪشنل ليگ ۾ شموليت ڪندڙ سردار غلام حيدر ڦلپوٽو چيوته پاڳاري خاندان ملڪ ۽ قوم جي لاءِ وڏيون قربانيون ڏنيون آهن. فنڪشنل ليگ جي قيادت تي اعتماد ڪندي مان فنڪشنل ليگ ۾ شموليت ڪري رهيو آهيان. ان موقعي تي ڀيڄ پاڳاره جا زوردار نعرا لڳندا رهيا.