ڊي ايس پي پيرڳوٺجي صحافي سان بدتميزي
پير جو ڳوٺ (رپورٽر) ڊي ايس پي پيرڳوٺ پيرڳوٺ جي صحافي علي گل جوڻيجو سان بدتميزي، ڪيمرا ڦرڻ جي ڪوشش، ڪوڙن ڪيسن ۾ ڦاسائڻ جون ڌمڪيون، صحافين جو سخت احتجاج، رپورٽ موجب، خيرپور اسپتال ۾ ڊاڪٽرياڻي جي مبينا لاپرواهي سبب فوت ٿيل عورت جي وارثن پاران پيرڳوٺ ٿاڻي آڏو عورت جو لاش کڻي ڌرڻو هڻڻ بعد پيرڳوٺ جي صحافين پاران ڪوريج دوران ڊي ايس پي صحافين تي ڏمرجي پيو جنهن دوران ڊي ايس پي پيرڳوٺ عبدالقدوس ڪلوڙ صحافي علي گل جوڻيجو سان بدتميزي ڪندي کيس ڪوڙن ڪيسن ۾ ڦاسائڻ جون ڌمڪيون ڏيڻ سان گڏ کائونس ڪيمرا ڦر ڪرڻ جي پڻ ڪوشش ڪئي پر مظاهرو ڪندڙ وچ ۾ پئي معاملي کي ٽاري ڇڏيو، هوڏانهن پيرڳوٺ جي صحافين پاران ڊي ايس پي خلاف احتجاجي مظاهرو ڪري ڌرڻو هنيو ويو، احتجاج ڪندڙن جي اڳواڻي گل سولنگي، عبدالقدوس خلجي، اصغر ملاح، عبدالغني لاکو، اظهر ابڙو، مصطفيٰ ميتلو، جبار سولنگي، صالح ميراڻي، اسلام الدين عباسي، عبداللطيف لاکو ۽ ٻيا ڪري رهيا هئا ان موقعي تي صحافين چيو ته ڊي ايس پي پيرڳوٺ پاران صحافي علي گل جوڻيجو سان ڪيل بدتميزي جو نوٽيس وٺي کيس جلد هٽايو وڃي ٻي صورت ۾ سندس خلاف احتجاجي تحريڪ هلائي ويندي.