چانهه جي ڪوپ تان ميتلا ۽ شر برادري جي ٻن ڌرين ۾ جھيڙو

پير جو ڳوٺ (رپورٽر) پيرڳوٺ لڳ چانهه جي ڪوپ تان ميتلا ۽ شر برادري جي ٻن ڌرين ۾ جھيڙو، 3 ڄڻا مرڻينگ، اسپتال داخل، فرياد داخل، رپورٽ موجب، پيرڳوٺ لڳ احمدپور ٿاڻي جي حد منگهواري شهر ۾ هوٽل تي ويٺل شر برادري جي ماڻهن پاران چانهه جو ڪوپ دير سان ملڻ تان هوٽل هلائيندڙ ميتلا برادري جي ماڻهن ۾ جھيڙو ٿي پيو جنهن ۾ سروٽا ۽ لٺيون لڳڻ ڪري 3 ڄڻا سعيد، خادم ۽ علي حسن ميتلو مرڻينگ ٿي پيا جن کي پيرڳوٺ اسپتال داخل ڪرايو ويو آهي هوڏانهن احمدپور پوليس ميتلا برادري جي علي حسن ميتلو جي فرياد تي شر برادري جي 8 ماڻهن خلاف فرياد داخل ڪري ورتو آهي