ڀاڻيجن پاران ماسي کي قتل ڪرڻ جي ڪوشش
پير جو ڳوٺ (رپورٽ: اصغر ملاح) پيرڳوٺ لڳ ڀاڻيجن پاران ماسي کي قتل ڪرڻ جي ڪوشش، رڙين تي جوابدار فرار، عورت ٿاڻي تي پهچي ويئي، تحفظ جي اپيل، 4 ڄڻن خلاف رپورٽ داخل، رپورٽ موجب، پيرڳوٺ لڳ ڳوٺ بهار لاڙڪ جي رهواسڻ مسمات شمل شيخ پيرڳوٺ ٿاڻي تي پهچي پوليس آڏو دانهيندي چيو آهي ته سندس ڀاڻيجن عاشق، دلبر، سينگار ۽ معشوق شيخ گهرن ۾ داخل ٿي بنا جواز منهنجي گهر ۾ داخل ٿي مونکي سخت تشدد جو نشانو بڻائڻ بعد گهٽا ڏئي قتل ڪرڻ جي ڪوشش ڪئي جنهن تي مون ۽ منهنجي ٻارڙن رڙيون ڪيون ته پاڙي وارا پهچي ويا جنهن بعد هو فرار ٿي ويا، هن چيو ته مونکي ڄاڻايل ڀاڻيجن مان معصوم ٻارڙن سميت جان جو سخت خطرو آهي جنهنڪري کين گرفتار ڪري تحفظ فراهم ڪيو وڃي، عورت جي اهڙين دانهن تي پيرڳوٺ پوليس ڄاڻايل 5 جوابدارن خلاف رپورٽ داخل ڪري ورتي آهي جنهن جي گرفتاري لاءِ پوليس ڇاپا هنيا پر هو هٿ اچي نه سگهيا.