پ پ سرڪار عوام جي ڀرپور خدمت ڪري رهي آهي، فيض محمد چانڊيو

پير جو ڳوٺ (رپورٽر) پ پ اڳواڻ رئيس فيض محمد چانڊيو چيو آهي ته پ پ سرڪار عوام شهيد ڀٽي جي اٽي لٽي ۽ اجهي جي نعري تحت عوام جي ڀرپور خدمت ڪري رهي آهي هن چيو ته پ پ عوامي پارٽي آهي جيڪا عوام جي دلين تي راڄ ڪري ٿي ۽ ايندڙ اليڪشن ۾ عوام ٻيهر پ پ کي ووٽ ڏئي وڏي اڪثريت سان ڪاميابي ڏيندو، هن اهڙو اظهار احمدپور لڳ ڳوٺ فتح علي چانڊيو ۾ پ پ ڪارڪنن ۽ ورڪرن جي ميڙ کي خطاب ڪندي ڪيو، ان موقعي تي هن وڌيڪ چيو ته پاڪستان صدر زرداري جي ڏاهپ ۽ بهتر سياسي حڪمت عملي سبب ترقي جي راهن تي روا دوان آهي هن چيو ته صدر آصف علي زرداري سڀني پارٽين کي ساڻ کڻي جهموريت کي هٿي وٺرائي آهي ۽ صدر جي اهڙي ڏاهپ کي ڏسي مخالف بوکلائجي ويا آهن.