”پي ايس ٽي جا آفر آرڊر ڏيو“ پيرڳوٺ ۾احتجاجي مظاهرو

پير جو ڳوٺ (رپورٽر) ”پي ايس ٽي جا آفر آرڊر ڏيو“ پيرڳوٺ ۾ سوين پي ايس ٽي اميدوارن پاران پريس ڪلب آڏو احتجاجي مظاهرو ڪري ڌرڻو هنيو ويو، احتجاج ڪندڙن عبدالماجد منگي، عطاءُ الله شيخ، عبدالجبار سومرو، وزير گلال ۽ ٻيا ڪري رهيا هئا ن موقعي تي احتجاج ڪندرن جو چوڻ هو ته اسان 2 سال اڳ سنڌ يونيورسٽي معرفت ورتل ماستري جي ٽيسٽ پاس ڪئي آهي ۽ اسان جا ميرٽ ليسٽ ۾ نالا اچڻ باوجود سرڪار اسانکي آفر آرڊر نٿي ڏئي جنهنڪري اسان فاڪاڪشي ڪٽڻ تي مجبور آهيون هنن صدر پاڪستان ۽ وزير اعليٰ سنڌ کان گهر ڪئي ته پ پ جي روزگار واري نعري کي ساڀيا ڪندي جلد اسانکي آفر آرڊر ڏئي پريشاني ختم ڪئي وڃي ٻي صورت ۾ سخت احتجاج ڪيو ويندو.