پيرڳوٺ ۾ فنڪشنل ليگ ڪچي آبادي جو يونٽ قائم
پير جو ڳوٺ (رپورٽر) پيرڳوٺ ۾ فنڪشنل ليگ ڪچي آبادي جو يونٽ قائم، نوان عهديدار چونڊيا ويا، رپورٽ موجب، پيرڳوٺ ۾ فنڪشنل ليگ سنڌ جي نائب صدر سيد محمد راشد شاهه راشدي جي هدايت تي ڪچي آبادي ۾ فنڪشنل ليگ جو يونٽ قائم ڪيو ويو جڏهن ته قائم ڪيل يونٽ لاءِ نوان عهديدار پڻ چونڊيا ويا جن ۾ صدر بشير احمد ناريجو، سينئر نائب صدر ذوالفقار ڪڙيو، جنرل سيڪريٽري شاهد ميراڻي، نائب صدر ارشد علي شيخ، فنانس سيڪريٽري سرور ميراڻي، آفيس سيڪريٽري اسماعيل اڄڻ، پريس سيڪريٽري مهراب ناريجو، اطلاعات سيڪريٽري عمران دايو کي متفق راءِ سان چونڊيو ويو، ان موقعي تي فنڪشنل ليگ پيرڳوٺ جي مرڪزي اڳواڻ محمد سليمان مڱريو صحافين سان ڳالهائيندي چيو ته فنڪشنل ليگ سنڌ جي نائب صدر سيد محمد راشد شاهه راشدي جي جدوجهد سان فنڪشنل ليگ ڏينهون ڏينهن مضبوط ۽ معظم ٿيڻ سان گڏ عوام جي ڀرپور خدمت ڪري رهي آهي ۽ جلد فنڪشنل ليگ جي ڀرپور ڪاميابي عوام آڏو کلي ڪتاب وانگر سامهون ايندي.