پيرڳوٺ لڳ ڪچي ۾ سنڌ دوست سماجي سنگت جو بنياد وڌو ويو

پير جو ڳوٺ ( رپورٽر) پيرڳوٺ لڳ ڪچي ۾ سنڌ دوست سماجي سنگت جو بنياد وڌو ويو، نئين باڊي پڻ جوڙي وئي، رپورٽ موجب، پيرڳوٺ لڳ ڪچي جي ڳوٺ مور جھٻر ۾ قدرتي آفتن کي منهن ڏيڻ، تعليم جي واڌاري ۽ علائقي ۾ امن بابت سنڌ دوست سماجي سنگت جو بنياد وڌو ويو تقريب جو مهمان خاص سيد ثناءُ الله شاه راشدي هو هوڏانهن ڄاڻايل سماجي تنظيمن جي مرڪزي عهديدارن جي پڻ چونڊ ڪئي وئي جنهن ۾ سرپرست اعليٰ حاجي پير بخش شيخ، صدر ڪامريڊ علي گوهر شيخ، نائب صدر علي شير شيخ، جنرل سيڪريٽري علي رضا، آفيس سيڪريٽري اصغر علي، رابطه سيڪريٽري اظهر شيخ، جوائنٽ سيڪريٽري شعبان شيخ، خزانچي ڪفايت علي شيخ کي چونڊيو ويو. هوڏانهن تقريب ۾ شهيد سورهيه بادشاهه يادگار ڪاميٽي جي اڳواڻن استاد مجيب قاضي، ڪامريڊ سميع ميمڻ، شڪور ميمڻ، ارشاد ميراڻي، لال منگي ۽ ٻين پڻ شرڪت ڪئي.