پيرڳوٺ لڳ پورهيت جي گهر کي باهه

پير جو ڳوٺ (رپورٽ: اصغر ملاح) پيرڳوٺ لڳ پورهيت جي گهر کي باهه، هڪ ڳئون ۽ الهه تلهه سڙي رک، رپورٽ موجب، پيرڳوٺ لڳ ڳوٺ باغ واهه ۾ اوچتو بجلي جي تار مان باهه لڳڻ ڪري پورهيت محمد مغل سولنگي جو گهر، هڪ ڳئون ۽ گهر ۾ رکيل الهه تلهه سڙي رک ٿي ويو، جڏهن ته گهرڀاتي جانيون مس بچائي نڪتا، ان ڏس ۾ پورهيت محمد مغل ٻڌايو ته گهر اندر ويٺل هئاسين ته اوچتو بجلي جي تار مان گهر کي باهه وڪوڙي وئي جنهنڪري گهر، ڳئون ۽ سمورو سامان سڙي رک ٿي ويو آهي جڏهن ته اسان کلي آسمان بي يارو مددگار ويٺل آهيون هن چيو ته اسانجي واهر ڪري انصاف ڪيو وڃي.