پير جو ڳوٺ
پيرڳوٺ لڳ پاڻي جي واري تان ٻن ڌرين ۾ جهيڙو
پير جو ڳوٺ (رپورٽر) پيرڳوٺ لڳ پاڻي جي واري تان ٻن ڌرين ۾ جهيڙو، 3 ڄڻا مرڻينگ، اسپتال داخل، رپورٽ موجب، پيرڳوٺ لڳ ڳوٺ متو بڙدي ۾ پاڻي جي واري تان بڙدي ۽ لاڙڪ برادري جي ٻن ڌرين ۾ جهيڙو ٿي پيو جنهن ۾ لٺيون ۽ ڪهاڙيون لڳڻ ڪري بڙدي برادري واري ڌر جا 3 ڄڻا علي گوهر، بلاول ۽ ڀاڳيل بڙدي زخمي ٿي پيا جن کي پيرڳوٺ اسپتال داخل ڪرايو ويو آهي هوڏانهن زخمي ٿيل ڀاڳيل بڙدي ۽ ٻين ٻڌايو ته اسان زمين تي پاڻي ورائي رهيا هئاسين ته جوابدار مبين، ياسين، گل لاڙڪ ۽ ٻين بنا جواز حملو ڪري اسانکي لٺيون ۽ ڪهاڙيون هڻي زخمي ڪري فرار ٿي ويا هنن چيو ته ڄاڻايل حملي آور بااثر آهن جن خلاف ڪاروائي ڪري اسان سان انصاف ڪيو وڃي.