پيرڳوٺ لڳ هٿياربندن هٿان ٽريڪٽر ڊرائيور ۽ پورهيت يرغمال

پير جو ڳوٺ (رپورٽ اصغر ملاح) پيرڳوٺ لڳ هٿياربندن هٿان ٽريڪٽر ڊرائيور ۽ پورهيت يرغمال، ٽريڪٽر ٽرالي ڦر، رپورٽ موجب، پيرڳوٺ لڳ منگهواري روڊ تي پرهه ڦٽي مهل نامعلوم هٿياربندن خيرپور کان پيرڳوٺ طرف ايندڙ ٽريڪٽر ٽرالي کي روڪي ڊرائيور عرض محمد جاگيراڻي ۽ 4 پورهيت کي يرغمال بڻائي رسن سان کجين جي وڻن ۾ ٻڌي ٽريڪٽر ٽرالي ڦري فرار ٿي ويا جڏهن ته اطلاع تي ڳوٺاڻن ۽ پوليس پهچي هٿياربندن جو پيڇو ڪيو پر هو فرار ٿيڻ ۾ ڪامياب ٿي ويا هوڏانهن ڳوٺاڻن پاران کنيل پيرا ڏانورو ڦلپوٽو ڀرسان گم ٿي ويا، هوڏانهن ٽريڪٽر ڊرائيور صحافين کي ٻڌايو ته خيرپور ۾ ڇونهارو لاهي واپس منگهواري اچي رهيا هئاسين ته 7 هٿياربندن يرغمال بڻائي ٽريڪٽر ٽرالي ڦري فرار ٿي ويا هن ٻڌايو ته ڦر ڪيل ٽريڪٽر ٽرالي ۾ رکيل 400 خالي ٻوريون، 15 رنگڪاٺ جا ڊرم پڻ کڻي هٿياربند کڻي فرار ٿي ويا.