پيرڳوٺ لڳ اغوا ڄاڻايل نوجوان وارو واقعو ڊرامو نڪتو
پير جو ڳوٺ (رپورٽر) 3 ڏينهن اڳ پيرڳوٺ لڳ اغوا ڄاڻايل نوجوان وارو واقعو ڊرامو نڪتو، ڊي ايس پي پيرڳوٺ مغوي ڄاڻايل نوجوان کي گرفتار ڪري لاڪ اپ ڪرائي ڇڏيو، رپورٽ موجب، 3 ڏينهن اڳ پيرڳوٺ لڳ پير شهبازي واري علائقي مان اغوا بعد پوليس ۽ ڳوٺاڻن پاران گهيرو ڪرڻ کانپوءِ بازياب ڪرايل نوجوان محمد علي ميتلو وارو واقعو ڊرامو نڪتو آهي جنهن ۾ ڊي ايس پي پيرڳوٺ عبدالقدوس ڪلوڙ جاچ ڪرڻ کانپوءِ مغوي ڄاڻايل نوجوان محمد علي ميتلو کي گرفتار ڪري کيس لاڪ اپ ڪرائي ڇڏيو آهي جڏهن ته اغوا جي ڊرامي جو مک ڪرادر مغوي جو مامو رياضت ميتلو نڪتو آهي جنهن کي پڻ احمدپور پوليس گرفتار ڪرڻ لاءِ مختلف هنڌ تي ڇاپا هڻي رهي آهي. ٻڌايو وڃي ٿو ته مغوي نوجوان پنهنجي مامي رياضت ميتلو سان گڏجي ميتلا برادري جي عبدالمجيد ميتلو واري ڌر تي اغوا جو اهڙو الزم مڙهي هرجي ڪرڻ لاءِ اهڙو ڊرامو رچايو هو.