پوليس نوجوان کي گم ڪري ڇڏيو
خيرپور(رپورٽ شڪيل احمد جانوري) گمبٽ تعلقي جي ڪچي جي ٿاڻي محبوب ڪلهوڙو پوليس ڳوٺ علي داد سيال تي ڪاهه ڪري نوجوان کي گرفتار ڪري گم ڪري ڇڏيو. وارثن پاران محبوب ڪلهوڙو پوليس خلاف احتجاجي مظاهرو. تفصيل موجب گمبٽ تعلقي جي ڪچي جي ٿاڻي محبوب ڪلهوڙو پوليس ڳوٺ علي داد سيال تي ڪاهه ڪري نوجوان کي گرفتار ڪري گم ڪرڻ خلاف سيال برادري جي ماڻهن سيشن ڪورٽ ٻاهران احتجاجي مظاهرو ڪيو. مظاهري جي اڳواڻي ڳوٺ علي نواز سيال جا رهواسي الهورايو سيال، علي نواز سيال، لياقت سيال، ضمير سيال ۽ ٻيا ڪري رهيا هئا. هنن چيوته محبوب ڪلهوڙو پوليس ڪجهه ڏينهن اڳ بغير ڪنهن ڏوهه جي ڳوٺ علي داد سيال تي ڪاهه ڪري بيگناهه اختر سيال کي گرفتار ڪري گم ڪري ڇڏيو آهي. هنن چيوته پوليس بااثر وڏيرن جي چوڻ تي ڪيس داخل ڪري رهي آهي. هنن چيوته جيڪڏهن بااثر وڏيري جي وانگار وهڻ بند نه ڪئي ته پوليس خلاف سخت احتجاج ڪيو ويندو. هنن سنڌ جي وڏي وزير سيد قائم علي شاهه کان جاچ ڪرائي انصاف جي گهر ڪئي آهي.