پندرنهن ڏينهن اڳ اغوا ٿيل ٺل جا هندو واپاري بازياب

خيرپور(رپورٽ شڪيل احمد جانوري) خيرپور جي سي سيڪشن ٿاڻي جي حد مان پندرنهن ڏينهن اڳ اغوا ٿيل ٺل جا هندو واپاري بازياب. تفصيل موجب خيرپور جي ايس ايس پي عرفان بلوچ پريس هينڊ آئوٽ ۾ ڄاڻايو آهي ته پندرنهن ڏينهن اڳ ڪراچي کان ٺل ويندڙ هندو واپاري رميش لال، هري لال، اشوڪ ڪمار کي خيرپور جي شاهه حسين ڀرسان اغوا ڪيو ويو هو جنهن بعد خيرپور پوليس شڪارپور ضلعي جي جاڳڻ واري علائقي ۾ پوليس پڪٽ قائم ڪئي ۽ سرچ آپريشن ڪيو جنهن ۾ ڪجهه ماڻهو گرفتار ڪيا هئا. جن جي نشاندهي تي گذريل رات ڊي ايس پي سٽي صغير احمد زيدي ڌاڙيلن جي ٺڪاڻي تي چڙهائي ڪري ٺل واسي ٽئي هندو واپاري بازياب ڪرائي ورتا ۽ کين اغوا ڪندڙ پنج ڌاڙيل هٿيارن سميت گرفتار ڪيا آهن. جڏهن ته مغوين جي بازيابي لاءِ ڪوبه ڀنگ نه ڀريو ويو آهي ۽ هي پوليس مقابلي ذريعي بازياب ٿيا آهن.