پاڻي جي کوٽ جي سبب وقتي طور واهن ۾ پاڻي جي وارا بندي

خيرپور: آبپاشي کاتي خيرپور ايسٽ ڊويزن جي ايگزيڪيٽوِ انجنيئر خيرپور فيڊرايسٽ ڪئنال جي واهن جي وارا بندي جي شيڊيول جو اعلان ڪندي چيو آهي ته سنڌو درياءُ ۾ پاڻي جي کوٽ جي سبب وقتي طور واهن ۾ پاڻي جي وارا بندي ڪئي پئي وڃي جنهن ۾ گروپ ون ۾ شامل خان واهه، سدا رنگ واهه، بلاول واهه، سنيسا مائينر، ڊي اوز ميرواهه آر ڊي 158.2 کان 264.6 تائين، ڍُڪا مائينر، جوڻا مائينر، امداد مائينر، ماڇي مائينر صبح 05 جولاءِ 2012 تي صبح جو 6 وڳي کان 13 جولاءِ 2012 صبح جو 6 وڳي تائين بند رهندا. جڏهن ته گروپ ٽو ۾ ڄاڻايل واهه ڪلرا مائينر، ديهداڻو مائينر، سواري مائينر، سون واهه، ڊي اوز ميرواهه آر ڊي 246 کان 293 تائين، ڪُٻڙي مائينر، گبر مائينر، لُنڊي مائينر، موجائي مائينر 13 جولاءِ 2012 تي صبح جو 6 وڳي کان 21 جولاءِ 2012 تي صبح جو بند ڪيا ويندا.