ٽرڪ جو موٽر سائيڪل کي ٽڪر، نوجوان فوت

ملير:اسٽيل ٽائون لڳ قومي شاهراهه تي قائداعظم پارڪ ويجهو ٽرڪ جو موٽرسائيڪل کي ٽڪر، هڪ ڄڻو فوت، هڪ زخمي تفصيل موجب اسٽيل ٽائون لڳ قومي شاهراهه تي قائد عوام پارڪ ويجهو ڪالهه منجهند ڌاري تيز رفتار ٽرڪ جي ٽڪر ۾ موٽرسائيڪل سوار ٻن سڳن ڀائرن مان 24 ورهين جو اعظم خان موقعي تي ئي فوت ٿي ويو جڏهن ته سندس ڀاءُ 22 ورهين جو نواز خان زخمي ٿي پيو جنهن کي ڳڻتي جوڳي حالت ۾ مقامي اسپتال داخل ڪيو ويو آهي. اکين ڏٺن شاهدن موجب موٽرسائيڪل سوار قومي شاهراهه تان پپري طرف اچي رهيا هئا ته پويان ايندڙ تيز رفتار ٽرڪ اوورٽيڪ ڪندي موٽرسائيڪل کي ٽڪر هڻندي فرار ٿي ويو.