ٺل واسي هندو واپارين جو ڊرائيور بازياب
پير جو ڳوٺ (رپورٽر) ٻٻرلوءِ لڳ هٿياربندن هٿان ڪار سميت اغوا ٿيل ٺل واسي هندو واپارين جو ڊرائيور بازياب، واپارين جو پتو نه پيو، پوليس ڪوششن ۾ رڌل، رپورٽ موجب، ٻٻرلوءِ لڳ ڪار سميت اغوا ٿيل ٺل واسي واپارين ۽ هندو پنچائت ٺل جي صدر رميش لعل، هري لعل، اشوڪ ڪمار جو پتو نه پئجي سگهيو آهي جڏهن ته خيرپور جي سي سيڪشن ٿاڻي جي پوليس پاران سندن ڊرائيور بابو لاشاري کي خيرپور لڳ ڪيلن جي باغ مان بازياب ڪرائڻ جي دعوٰ ڪئي وئي آهي ان سلسلي ۾ پوليس جو چوڻ آهي ته خفيه اطلاع مليو ته هٿياربند مغوي ڊرائيور کي ڪيلن جي باغ ۾ رسن سان ٻڌي باقي واپارين کي ڪار ۾ کڻي فرار ٿي ويا آهن اطلاع بعد پوليس ڄاڻايل باغ ۾ پهتي ۽ رسن سان ٻڌل ڊرائيور بابو لاشاري کي بازياب ڪرائي ورتو خيرپور پوليس جو چوڻ آهي ته بازياب ڪرايل ڊرائيور بابو لاشاري جي نشاندهي تي پوليس هٿياربندن جا پيرا کڻي رهي آهي جيڪي تنيا پل کان هيٺ ڪچي واري علائقي ۾ دريا طرف وڃي رهيا آهن، ۽ جلد مغوين کي بازياب ڪرايو ويندو.