ٺري ميرواهه :واھن بند ھئڻ خلاف آبادگارن جو مظاھرو
ٺري ميرواهه (محمد اقبال سومرو ) سدارنگ واهه ، بلاول واهه هڪ هفتي کان بند هجڻ خلاف سدارنگ واهه ۽ بلاول واهه جي سوين آبادگارن پاران بلاول واهه جي پل کان احتجاجي مارچ ٺري ميرواهه پريس ڪلب آڏو سڪل فصل کڻي نٽهڻ اس ۾ ڌرڻو ، جنهن جي اڳواڻي فقير غلام علي شر ، زنوار عبدالستار شر ، علي حسن چنو ، جاويد علي سيال ، مهراب علي ، شاڪر علي ۽ بيا ڪري رهيا هيا ، آبادگارن پاران انجنيئر ايسٽ خيرپور آبپاشي ۽ ايس ڊي او ايسريگيشن ٺري ميرواهه خلاف ڇتي نعريبازي ڪئي وئي ، آبادگارن دانهون ڪندي چيو ته ميرواهه ڪئنال ۾ پاڻي ڦل هجڻ باوجود اسان جا واهه بنا سبب جي بند ڪيا ويا آهن جنهن سبب اسان جو ووئڻن جو پوکيل فصل سڪي ويو آهي ۽ اسان آبادگارن کي لکين روپين جو نقصان ٿي رهيو آهي ، دانهون ڪرڻ باوجود آبپاشي عملو سدارنگ واهه ، بلاول واهه کي هڪ هفتي کان بند ڪيون ويٺا آهن ۽ واهه کولڻ لاءِ رشوت طلب ڪري رهيا آهن ،هنن گهر ڪئي ته بنا دير سدارنگ واهه ۽ بلاول واهه کي کوليو وڃي ته جيئن اسان هڪ وڏي نقصان کان بچي سگهون .