نواز ليگ پاران خوشي ۾ وڏا مهيسر ۾ ريلي ڪڍي وئي

پير جو ڳوٺ (رپورٽر) نواز ليگ سربراهه نواز شريف پاران محمد ايوب شر کي نواز ليگ سنڌ جو سينئر نائب صدر مقرر ڪرڻ جي خوشي ۾ وڏا مهيسر ۾ ريلي ڪڍي وئي، ريلي جي اڳواڻي نواز ليگ اڳواڻ عبدالله شر، ايڊوڪيٽ منظور مهيسر، خان محمد شر ۽ ٻيا ڪري رهيا هئا ان موقعي تي هنن چيو ته نواز ليگ سربراهه پاران محمد ايوب شر کي نواز ليگ سنڌ جو سينئر نائب صدر مقرر ڪرڻ سٺو سنوڻ آهي ڇوته محمد ايوب شر نواز ليگ جو سرگرم اڳواڻ آهي هنن چيو ته محمد ايوب شر جي نائب صدر ٿيڻ سان نواز ليگ کي سنڌ اندر وڏي هٿي ملندي، ان موقعي تي شهرين توڙي ڪارڪنن ۾ مٺائي پڻ ورهائي وئي.